امي كانت زوجة تانية
انا في مصـ,,ـيبة ومش عارفه اتصرف ازاي احنا ٤ اخوات ولدين وبنتين انا البنت الكبيرة واخواتي الولدين اشقائي والبنت غير شقيقة هي اختي من امي متربيه معانا من ساعه ما اتولد ويعتبر مربياها مع والدتي لان فارق السن بينا ١١ سنه فكنت الي حد ما بوجهها بعلمها حاجات لحد ماجيت تزوجت من ٩ سنين ومشيت وهي عندها ١٤سنة ومن بعدها الدنيا خـ,,ـربت والدتي كانت زوجه تانية
ولما الزوجه الاولي عرفت اثرت ع زوج امي انه يطلقها وفعلا طلـ,,ـقها عشان هو كان مرتاح ماديا جداا وكان كل المحيطين بيه مش عاوزينه يكمل معاها عشان متورثش فيه والدتي كانت بتحبه جداا واتأثرت جدا بتخليه عنها ودخلت ف حاله نفـ,,ـسيه ومنها جالها ورم ف المخ قعدت بالورم حوالي ٤سنين ف الفترة دي كنت انا تزوجت وكانو اخواتي الي عايشين معاها منهم اختي الصغيرة مرينا بأوقات نفسيه صعبه جدابسبب تعب امي لحد ما عملنا استئصال للورم ف ٢٠١٨ وامي رجعت بقت زي الفل الحمد لله وبتمارس حياتها الطبيعيه والد اختي كل عـ,,ـلاقته بأختي انه كان بيبعتلها مصروف شهري لمصاريفها كل شهر ولكن مكنش في ود بينهم نهائي وكانت دايما بتشتكي انها مبتحسش من نحيته بأي مشاعر لحد ماجيت انا قبل مايتوفي ب٣ شهور وكلمته وقولتله لازم تحتضنها وانها اصغر واحده ف ولادك خصوصا انه عنده بنتين اكبر منها وولد كبير من مراته الاولي وفعلا سمع كلامي وحاول يقرب منها وكان بينفذلها كل طلباتها قبل وفـ,,ـاته وارتبطت بيه شويه خلال ال٣شهور دول
واتأثرت جدا بعد ما مات وبعدها بسنتين لقيناها ارتبطت بأخوها من باباها الكبير ورايحه وجايه معاه كتير وبيجي البيت عند والدتي ووالدتي بتحبه وبتعامله كويس جداا لكن للاسف انا كنت مستغربه شويه قربه ف الفترة دي خصوصا ان اختي ورثت من باباها وهو اقنعها تجيب عربيه وفعلا جابهالها من ورثها وبقت رايحه جايه معاه عند بيت والدها ف القاهره واحنا من محافظه تانيه وتبات هناك كتير ومش بتقعد مع والدتي خالص بحجه بتخلص حاجات للورث وانها مع اخوها منخفش عليها في يوم روحت ابيت عند والدتي صادف انه كان هناك حاولت اقعد اتكلم معاه واشوف تفكيره لقيته شخصيه تافهه جداا وسطحي وواضح انه عنده عقد نفسيه كتيرة جداا بدليل انه عنده ٣٢ سنة
ومتزوج ومخلف ٣اطفال ولكن حسيت ان قاعده مع مراهق عنده ١٢ سنة لاهو عارف صح من غلط ولا حرام من حلال صعقت انه ازاي ماشي مع اختي وهي ف السن ده وانها رايحه وجايه معاه واتخانقت وعليت صوتي وحاولت امنعها انها تكون معاه خصوصا انه حصل موقف قبلها وخلاها ترجع عالطريق لوحدها س١ونص بليل عالطريق وكانت اول مره تسوق عالطريق لوحدها بعد ماجابت العربيه وهو كان رده انه عادي مفيشمشكلة حسيت ساعتها انه مش عارف يتحمل مسؤلية نفسه عشان يعرف يكون مسؤل عن اختي معاه انا كنت معترضه اشد الاعتراض وقاطعت اختي بعد اخر خناقة ليا معاهم هي و اخوها ده وحاولت الفت نظر اخواتي الرجالة لأن في حاجه مش طبيعيه وازاي يقرب منها بالشكل ده لانه لا عمره عاش معاها ولامتربي زينا وهو ليه دايما سايب بيته ومراته وعياله وسارح مع اختي !من حوالي اسبوعين حصل موقف رجعنا انا واختي اتكلمنا تاني وجاتلي بعدها بيومين منهاره ومقبله عالانت**حار وبتحكيلي ان اخواتها البنات من باباها ومرات ابوها عرفوا ان اخوها كان بيتعـ,,ـاطي مخـ,,ـدرات وهي كانت عارفه وموالسه عليه واتهموها انها هي الي ضيعته بعدها جتلي منهاره وحكتلي وقد ايه هي كانت مرتبطه بيه وبتساعده عشان يبطل الحاجات دي وانها قبله كانت بتشرب سجاير وحشـ,,ـيش مع صحابها انا مصـ,,ـدومة ومش عارفه افكر من ساعتها وهي محلفاني مقولش لوالدتي ولا لاخواتي وانا طبعا مش قادرة اقول حاجه لان امي ممكن تموت فيها لو عرفت ده واخواتي ممكن يدبحوها كل الي فكرت فيه اني اوديها لدكتور نفسي لانها طبعا مدمرة وخايفه تعمل ف نفسها حاجه وفعلا اخدت جلستين لحد دلوقتي وانا الي بتعذب كل اما بشوف امي واخواتي وبحس قد ايه هما غلابه ومتغفلين وعمرهم مايتخيلوا الي حصل والي كان بيحصل انصحوني اعمل ايه واخد خطوة ايه خصوصا اني طرف كبير ف علاجها اني احتويها واطمنها وده كلام الدكتور لان انا اهلها كلهم دلوقتي بالنسبالها علشان اعترفتلي بكل بلاويها وحاسه اني في مسؤلية كبيرة جداا وحساسه ومش عارفه اخد اي قرار
