يا انا يا ابنك

السلام عليكم ورحمة الله وبركاته
لو سمحت عايزة ابعت مشـ،ـكلتي بدون اسم لو سمحت ويا ريت تبعتلي اللينك
انا كنت متجوزة 4 سنين وقبلها خطوبة سنتين خلفت ولد عنده 4 سنين دلوقتي اتطلـ،ـقنا من سنة ونص حياتي معاه كانت بشـ،ـعه بكل معني للكلمه لكن هو كان طيب وحنين اوي مع ابنه دلوقتي انا عندي 31 سنة وبعد طـ،ـلاقي علي طول في نفس يوم الحكم المحامي بتاعي عـ،ـرض عليا الزواج وكنت وقتها مش عايزة لا ارتبـ،ـط ولا حاجة لاني كنت تعـ،ـبانه نفسيا جدا المهم اني رفضته هو تقبل الموضوع وبعدين حصل كلام بينا وبصراحة اتشديت ليه جدا شخصيته وأسلوبه وحبه ليا اللي كان واضح جدا فحبيته وحبيته اوي لدرجة انا متخيلتهاش وهو ماسبقش ليه الجواز وعنده شـ،ـقته وهو محامي شاطر وعرفته عن طريق ابن عمتي هو صديق الطفولة ومحدش قال كلمة وحـ،ـشة عليه خالص دلوقتي إحنا نعرف بعض وبنحب بعض بقالنا سنة و4 شهور شوفنا فيها مع بعض كل حاجة حلوة ووحـ،ـشة مبقتش اقدر استغني عنه وهو عارف كدا عـ،ـرض عليا تاني الزواج لانه نفسه نبقي مع بعض بس مش عايز ابني معايا وبيقولي الطبيعي الولد يكون مع باباه وانا معترضة وهو قالي انا مش هقدر اتكفل بابنك لان ظروفي علي ادها وفي نفس الوقت انا شوفت جوزك السابق وابنك نسخة منه ودا مش قابله فعلا نفسيا مش متقبله غصب عني وببقولي انه كمحامي هيضمنلي اني اشوف ابني وهنعمل عقد منصوص فيه الكلام دا اني اشوف ابني دايما ومش يحصل مشـ،ـاكل للرؤية انا خايفة اودي ابني عند باباه هو متجوزش بس عيله باباه ناس اغبيا في التعامل وبيكـ،ـرهوني وخايـ،ـفة يقسوا ابني عليا رغم اني حـ،ـاربت عشانه ومن قبل الطـ،ـلاق باباه لا كا بيسال فيه ولا بيصرف عليه خالص وانا بشتغل وبصرف عليه تعـ،ـبت من بيت اهلي وبهـ،ـدلتهم ليا انا وابني ونفسي فعلا استقر عايزني اسيب شغلي بعد الجواز واتفرغ ليه انا فعلا بحبه وبحب ابني ومش عارفة اعيش حياتي ولا عارفة اعمل ايه ناس تقولي انتي صغيرة وحلوة ومن حقك تتجوزي وتعيشي وناس تقولي ابنك هيكبر ويبقي راجل ولازم هيرجعلك ولو متجوزتش هتعيشي لوحدك وابنك هيتجوز وييقي ليه حياته مبقتش عارفة اخد قرار بجد انصحوني واعتبروني أختكم وشكرا ليكم واسفة للاطالة وارجوكم بلاش تجـ،ـريح يا ريت كل حد يقدر ظروف الناس

اللهم صل وسلم وبارك على سيدنا محمد