انا اتدبست

السلام عليكم ورحمة الله وبركاته
وانا في الغربه في الشتاء اللي فات اتعرفت على بنت من جروب المغتربين وكنت فاكر انها في البلد الل متغرب فيها بس طلعت انها في مـ,,ـصر وبتحب تدخل جروبات المغتربين فضول منها عشان تعرف الاحوال في البلاد اللي متغربين فيها هي غاويه كده اتعرفت عليها وطلعت بنت كويسه وعندها طموح السفر ومش عايزه تعيش وتكمل حياتها في مـ,,ـصر يسبب الاحوال الاقتصاديه والعيشه بقت غاليه فضلت معاها حوالي ٧ شهور وحبينا بعض ويومنا كله مع بعض على الشات والماسنجر مكالمات وكنا يوميا بنبعت صورنا لبعض في كل الظروف وللاسف حصل بينا تجـ,,ـاوزات كتير هي عندها ٢٤ سنه وانا ٣٠ انا خطبت قبل كده ومحصلش نصيب انما هي لا المهم قررت لما انزل اقابلها واخطبها والصيف الجاي نكون متجوزين نزلت فعلا اجازتي السنويه واول مقابله بنا على الطبيعه اكـ,,ـتشفت طبعا ان كل صورها كانت بفلاتر مقدرتش اتقبل في الأول لكن هي مدنيش فرصه واول ما شغلت رقمي المـ,,ـصري مكالمات لقيت ابوها بيكلمني وطلعت حكاليه كل حاجه وبعدين امها لدرجه كانت فاكره اني جايبلهم هدايا وانا جاي غير هديتها اللي طلبتها مني بالاسم واكتر من حاجه كمان مش هديه واحده
ما علينا عشان مطولش عليكم اخدت امي واختي روحنا عشان اتقدملها بصراحه عملوا معانا واجب كويس وغدا وحلويات وانا كنت واخد معايا شكولاته وجاتوه حطوه قدامنا بس تقريبا والله اعلم كانوا بيعملوا كده عشان يحـ,,ـرجونا ولما يطلبوا في الاتفاقات بتاعت الجواز منقدرش نرفـ,,ـض لهم طلب عاوزين شبكه متقلش عن ٣٠ جرام دهب والمؤخـ,,ـر ٣٠٠ الف وقايمه برضه بكل اللي هيجي مني او منهم
رغم انهم مش هيجبوا غير المطبخ والرفايع وحاجتها بس وحتى الستاير والسجاد والمراتب عليا وانا للاسف اتحرجت فعلا منهم ووافقت وابوها عاوزني اطلعوا عمره في رمضان اللي جاي وطبعا لو طلعتوا لازم امها كمان معاه وطبعا استقبلهم هناك والذي منه ..
وفعلا قريينا الفاتحه بدبله وخاتم واجلنا الشبكه قولتلهم هنزل في يناير اسبوع نعمل فيه الشبكه وانا دلوقتي مسافر
بس حـ,,ـاسس اني ادبست جامد غير ان البنت بقت جـ,,ـريئه جدا معايا وكاننا اتجوزنا مش مجـ,,ـرد قراية فاتحه اكيد انتو فاهمين قصدي وكل يوم والتاني طلب شكل حتى ساعات تقولي اطلبي اكل وادفع بالفيزا بتاعتك ( فيزا تبع بنك مـ,,ـصري) فكنت عاوز اعرف رايكم في حاجه زي ديه انتم شايفين ايه وأسف اني طولت عليكم
نزل يا استاذ ناصر لو سمحت وابعتلي اللينك
ملحوظه هي كانت يتشتغل وقعدت من الشغل وبتطلب مني مصروف عشان انا اللي قولتها الشغل ده ملوش لازمه ومبحبش اللي هتجوزها تكون بتشتغل وتنشغل عني فبقت عاوزه مصروف شهري ثابت بحجه انها كانت بتحهز نفسها من المرتب اللي كانت بتقبـ,,ـضه وانا ببعتلها بقالي شهرين ٣٠٠ ريال كل شهر يعني حوالي ٤٠٠٠ جنيه
ارجو النصيحه من رؤيتكم للموضوع خاصه اني كنت اتصد,مت في شكلها لما شوفتها على الطبيعه وانها مش جميله زي الصور اللي بعتتهالي اول تعارفنا