خطيبه اخويا طلعت اسكوتر
السلام عليكم ورحمة الله وبركاته
عندي مشـ,,ـكلة كبيره اوي ومحتاجه اشوف رايكم ايه
اخويا خطب بنت لما روحنا اتقدمنا لاقينا ناس على اد حالهم وابوها متوفـ,,ـي ومعاها اخت واخ ومامتها كويسه والبنت قالوا انها بتتشغل في شركة شحن كبيره بتابع الإوردر وتسلمه لمندوب التوصيل وكدا بس المـ,,ـصيبه بعد الخطوبه اكـ,,ـتشفنا انها عندها سكوتر وهي ذات نفسها بتوصل الاوردارت وانا بنفسي اللي قفشتها في ميدان كبير في وسط البلد وهي كانت موقفه الاسكوتر ونزلت فتحت الصندوق وسلمت الرجل الاوردر وصورتها والله على ما اقول شهيد الكـ,,ـارثه الاكتر ان اخويا طلع عارف ومعندوش مشـ,,ـكلة بحجه انها بتساعد نفسها وبتساعد امها وانها بتشتغل الصبح في الشركه وبعدين تخلص الشيفت وتستلم اوردرات توصلهم بنفسها
يعني عارف كل التفاصيل عنها بس كـ,,ـدب علينا ومقالش الحقيقيه طبعا ماما بهتـ,,ـدلته لانها صـ,,ـرخت اول ما عرفت كده واتصلت بالبنت قالنها ابعدي عن ابني ولو عاوزين الشبكه خدوها بس ابعدوا عن ابني وسيبوه يشوف واحده تكون مناسباله وتكون فاضيه لخطيبها وبيتها بعد كده وفعلا ضغطت على اخويا لحد ما جاب منهم الشبكه وساب البنت بس دلوقتي مر شهرين وعرفنا انه رجع يكملها تاني وعاوز يرجعلها وبابا موافق ومشجعه لان بابا معندوش مشكله بالعكس شايفها مكـ,,ـافحه لكن انا وماما واختي رافـ,,ـضين لاننا متجوزين واجوازنا لو عرفوا تبقى مـ,,ـصيبه بصراحه ونخـ,,ـاف يعـ,,ـايرونا بيها او اي حاجه في وقت زعـ,,ـل او خـ,,ـصام لاننا قبلنا رغم فرق المستوى الكبير بينا بس عشان خاطر اخونا عاوزها فعدينا النقطه ديه
واحنا مش عارفين نعمل ايه بجد ياريت لو حد مر عليه حاجه زي ديه يقولنا نعمل ايه نروح لها البيت ونتصرف معاها مثلا ولا اقل شيء نخليها تسيب الشغل ده يكون شرط عشان ترجعله بس لما قولناله كده قال انها عليها اقساط والاسكوتر ده حتى بالقسط طيب ايه الحل مش عارفين
استاذ وليد لو سمحت تنزلها بدون بياناتي لان قرايبنا كلهم على الصفحه والناس قبل ما تتهمني او تهاجمني تحط نفسها مكاني ومكان اجوزانا هل ترضي لاخوكي واحده زي ديه من غير مثاليه يعني وتردوا من ارض الواقع ولو حوزك عرف ان مرات اخوكي بالشكل ده هيقى عادي بالنسبالك ولا ايه عشان كده بقول ردوا من الواقع وبلاش مثاليه زياده وشكرا
الحمد لله حمدا طيبا مباركا فيه كما ينبغي لجلال وجهك ولعظيم سلطانك
الحمد لله دائما وابدا
الحمد لله رب العالمين
