ابويا مـ,,ـزعل مـ,,ـرات اخويا
السلام عليكم ورحمه الله وبركاته
من فضلك ممكن تنزل الكلام من غير اسم وصوره
انا عاوزه افضفض معاكم بس شويه
انا مرات اخويا عند اهلها بقالها اسبوعين
بابا كان زعق معاها شويه وشتمها بوالدها
وهيا والدها ووالدتها متوفين
بس هيا ردت عليه وقالتله متشتمش ابويا
قالها طيب خدى بنتك واطلعى. اخدت البنت وطلعت بس بعصبيه ونرفـــ..ـــزه جامده
هو قام اضـــ..ـــايق وزود فى الشتيمه وطلع وراها ضربها بالقلم وقالها اطلعى من البيت وحلف ما هيا هتبات فيها
كان وقتها اخويا مش هنا
المهم جيرنا جم على صوت الزعـــ..ـــيق
وكلهم يقولولها تعالى باتى عندنا للصبح
بس طبعا مكنش ينفع وهيا كمان رفضت
وراحت عند اختها
اخويا لما جه عرف الموضوع زعل طبعا من بابا ومن مراته
ازاى بابا يمد أيده عليها وهيا كمان ازاى ترد على بابا قال خلاص خليها قاعده شويه لحد ما الأمور تهدأ شويه ودا كمان لانه كان زعلان منها اصلا قبلها لأنها بتنسى كتير وأوقات بتطـــ..ـــنش حاجات كتير هو بيقولها عليها دا عن كلامه والله اعلى واعلم
المهم هو راح لها وادها فلـــ..ـــوس وبعتلها لبس للعيال وقالها خليكى يومين كدا وبعدين هبقى اجى اخدك
ومتروحيش مع اى حد الا لو انا قولتلك
قالتله ماشى
بعد بكام يوم ماما وانا واخواتى البنات فضلنا نزن عليه هات مراتك
والبيت مالهوش لزمه من غير العيال
المهم ماما قالتله انا هروح اجيبها ومتزعلنيش منك بقى
قالها خلاص عشان خاطرك انتى يا ماما
اتصل على مراته قالها مامتك جايه تاخدك ابقى تعالى معاها قالتله ماشى
ماما راحت عندهم البيت وقعدت تتكلم معاها وتقولها يا بنتى عيشى وربى عيالك واستحملى شويه ما احنا ياما اتشتمنا واستعمل فينا وعشنا وانتى جوزك اصلا شاكى منك كتير وانا بدارى عليكى فى حاجات كتير وانتى عملتى كذا وكذا وانا ادارى واخبى عن حماكى وعن جوزك وأخواتك دول ياما اتعمل معاهم بردوا والدنيا كلها على دا الحال كسفت ماما ومرضتش تيجى معاها
وقالت لها مقابل اللى زعلنى وكرشنى هو اللى يجى با خدنى
قالت لها ما انا مقامى من مقامه
المهم مرضتش بردوا
ماما جت من هناك زعلانه وقعدت تعيط أنها كســـ..ـــفتها بالشكل دا وخصوصا انها اول مره تروح لها
اخويا لما عرف اتصل عليها وقالها هو انا مش قولتلك امك جيالك تعالى معاها
انتى بتحرجينى
وزعل وقفل التليفون فى وشها
المهم بعدها بيومين احنا عاوزين نشوف العيال
وانا اصلا طول الوقت بعيط لان انا بحب ولاد اخويا اوى وصعبان عليا اللى حصل وعدم وجودهم فى البيت مخلينا زى الأيتام ومالهوش اى طعم
بعدها بيومين بابا واحشه العيال جامد
قالى روحى كلميها قولبلها تبعتهم نشوفهم وبكره نوديهملها
بابا على الرغم من أن طبعه شديد وطول الوقت صوته عالى وانا اصلا بضايق من كدا إلا أن روحه فى العيال
المهم بأننا بردوا على الرغم من انى زعلت عشان ماما الا انى روحت كلمتها
وقعدت أنصحها وغلطتها أنها مسمعتش كلام جوزها ورجعت مع ماما ليه ولمينا الموضوع
يا بنتى انتى اول مره تعرفى بابا ما انتى معانا بقالك ٧ سنين فى قبل بيتنا وقبل كدا طول عمرك وانتى معانا فى الشارع
المفروض تكونى عرفتى طبع حماكى
ومترديش عليه خالص انتى بتستفزيه
ودا مش كويس ودا راجل كبير فى مقام ابوكى
وخلصت ضميرى
المهم قولتلها ابعتى العيال شويه
قالت حاضر ومبعتتش العيال ولا احترمت كلامى انا كمان معاها ولا عملت حساب لاى حد وقالت اصل خالى قالى اوعى تعملى حاجه من غير ما ترجعيلى
طبعا اخويا زعل جدا وقال خلاص انا مش عاوزها
ونفسيته تعبت
ودلوقتي بابا واخويا حلفوا ١٠٠ يمين أنهم ما هيرحوا يجيبوها ولا اى حد من طرفنا خالص حتى الجيران لأنها اصلا بيت ابوها الله يرحمه قصاد بيتنا بالضبط
عاوزين خالها اللى يجيبها ويجى
وخالها تقريبا اتخلى عنها
دلوقت نعمل ايه
والله العظيم انا وماما غلطنا بابا وقولناله مش من حقك تمد ايدك عليها
يقول ما هى عصبتنى وفى الاخر تقولى ايه الذل والاهانه دى عشان كدا ضربتها
والموضوع كبر ومش عارفه اتصرف
ممكن من غير تجريح من فضلكم
